سواقين التاكسى دول دنيا بحالها ينفع يبقوا زى حياتنا المصغرة!!!
فيهم اللى تحبه وتبقى عايز تديله كل الفلوس اللى معاك،فيهم اللى يفضفضلك و يمكن يشكيلك و يعيطلك ، فيهم اللى تخاف تركب معاه!!! ،فيهم اللى و انت نازل تدعيله و يدعيلك و اللى تنزل من معاه فرحان و كان نفسك السكة تبقى أطول و فيهم اللى و انت نازل تبقى عايز تجيب عشرة بلطجية يضربوه!! لأ و عشرة ليه تبقى عايز تضربه انت بنفسك!!!!
ياااااااه كان نفسى أبقى سواق تاكسى :)
اهداء الى
الراجل اللى اشتكالى ابنه لما مجبش مجموع فى ثانوية عامة يا رب يكون دخل كليه زى ما كان عايز
الراجل اللى لما شاف شوية شباب جنبنا مشغلين تامر حسنى و بيزغرتوا قال لى " هو ده اللى هيحميكى و يحمينى لو قامت حرب و الله يا بنتى انا عندى بنتين قدك نفسى ادخلكوا الجيش بدل دول"!!!
الراجل اللى مكنش عارف جامعة القاهرة فين!!
والراجل اللى لما قلت له "جامعة؟" و سألنى جامعة ايه؟ اتعصبت عليه "جامعة جنوب الوادى" و مشيت...
و السواقيين الكتيييير اللى نزلونى اخر الشارع عشان لما قلت لهم "جامعة؟" سمعوها رابعة!! (هى رابعة منطقة فين؟؟)
و كل السواقيين اللى لما ابقى نازلة متأخر لازم يقفوا فى البنزينة!
و اخر واهم واحد اللى لما سألنى "فين فى الزمالك؟" و قلت له بمنتهى الثقة و التلقائية "عند المريوت" فرمل من الخضة و قال لى "عند الميت؟؟؟؟ فين الميت ده؟!!!"....حظى انى طلعت لدغة !!!!
و خالد الخميسى عشان أول واحد كتب كتاب للتاكسى :)
ليست هناك تعليقات:
إرسال تعليق